Նպատակ ունենալով զարգացնելու երիտասարդ մասնագետների և ուսանողների բիզնես հմտությունները և խթանելու միջազգային համագործակցությունը՝ բացվեց «CaseKey» ակադեմիան, որը խոստանում է նոր շունչ հաղորդել բիզնես կրթությանը։
«CaseKey Academy»-ի և ԵՊՀ տնտեսագիտության և կառավարման ֆակուլտետի համագործակցությունը նպատակ ունի մասնակիցների համար ստեղծելու&Բ;դինամիկ և բարենպաստ ուսումնական միջավայր:
Օգտագործելով երկու հաստատությունների ռեսուրսներն ու հարուստ փորձը՝ ծրագիրը մասնակիցներին կառաջարկի համապարփակ և հարստացնող ուսուցման փորձ: Գործընկերությունն&Բ;ընդգծում է համագործակցության կարևորությունը բիզնես կրթության առաջխաղացման գործում և երկու հաստատությունների հանձնառությունը՝ աջակցելու բիզնես առաջնորդների կրթությանը:
«CaseKey»-ի համահիմնադիր Արշակ Կարապետյանի խոսքով՝ ակադեմիան հնարավորություն կտա Հայաստանի կրթական համակարգին լինելու ավելի մրցունակ միջազգային ասպարեզում, ինչպես նաև կսահմանի նոր նշաձող այս ոլորտում։
Ակադեմիան&Բ;«CaseKey»&Բ;մրցույթի կրթական բաղադրիչն է, որի ծրագիրը մշակվել է ԱՄՆ Հյուսիսային Կարոլինայի պրոֆեսոր և համալսարանի բիզնես խնդիրների լուծման թիմի գլխավոր մարզիչ Պիտեր Վերհալենի հետ, որը նաև վարելու է ամբողջ կրթական ծրագիրը:
«Այս ծրագիրը Հայաստանի ուսանողներին կտա հնարավորություն զինվելու գլոբալ բիզնեսի վերլուծության հմտություններով, կատարելագործելու&Բ;իրենց փորձառությունը և կստեղծի նախադրյալներ վաղվա առաջնորդներ դառնալու համար։ Շնորհակալություն եմ հայտնում «Team Telecom Armenia»-ին ուսանողներին այս հնարավորությունն&Բ;ընձեռելու համար»,- նշեց Պիտեր Վերհալենը։
Ակադեմիայի դասընթացներին մասնակցելու հետաքրքրությունն այնքան մեծ է եղել, որ կազմակերպիչները ավելացրել են նաև հեռավար դասընթացների ձևաչափը։ Երկամսյա ինտենսիվ ուսուցմանը նախատեսված 100-ի փոխարեն մասնակցելու է 190 ուսանող Հայաստանի տարբեր համալսարաններից։ Պրոֆեսոր Վերհալենը աշխատելու է նաև տեղացի մարզիչների հետ՝ փոխանցելով իր միջազգային փորձը և ներկայացնելով&Բ;արդյունավետ մարզչական տեխնիկա: Ծրագրի ավարտին թիմերը պետք է լուծեն իրական բիզնես խնդիր։
