Доцент ЕГУ Маргарит Петросян награждена серебряной медалью

Доцент кафедры биохимии, микробиологии и биотехнологии биологического факультета Маргарит Петросян была награждена Серебряной медалью ЕГУ за многолетнюю плодотворную научно-педагогическую деятельность в университете и по случаю юбилея.

ԵՊՀ կենսաբանության ֆակուլտետի դեկան Կարեն Ղազարյանը շնորհավորական ելույթում ընդգծեց, որ Մարգարիտ Պետրոսյանի մասնագիտական գործունեությունն ավելի քան 50 տարի կապված է գիտության, կրթության և համալսարանական կյանքի հետ։ Կենսաբանության ֆակուլտետում երկար տարիներ համադրելով գիտամանկավարժական գործունեությունն ու մեթոդիստի աշխատանքը՝ Մ. Պետրոսյանն իր մասնագիտական փորձն ու գիտելիքներն է ներդրել ֆակուլտետի և՛ կրթական, և՛ կազմակերպական աշխատանքներում։

Մեծ է գիտնականի ավանդը հատկապես բույսերի կենսագործունեությանն առնչվող գործընթացների, ֆունկցիաների և դրանց կարգավորման մեխանիզմների ուսումնասիրման ոլորտում: Համալսարանում նրա կիրառած գիտակրթական նորարարությունները նշանակալիորեն նպաստել են ՀՀ-ում կենսաբանության ոլորտի զարգացմանը:

Գիտնական և մանկավարժ Մ. Պետրոսյանը իր հետևողական ու համբերատար աշխատանքով տվել է նաև նոր սերնդի երիտասարդ կադրեր, որոնք պատրաստ են և՛ գիտական արդյունավետ գործունեություն ծավալելու, և՛ արագ փոփոխվող աշխարհի մարտահրավերներին դիմագրավելու:

Մարգարիտ Պետրոսյանի ավելի քան կեսդարյա աշխատանքային ուղու արժևորման հանդիսավոր արարողությանը մասնակցում էին Կենսաբանության ֆակուլտետի պրոֆեսորադասախոսական համակազմի ներկայացուցիչներ, ուսանողներ և հյուրեր: