October 30, 2026 | 16:00
Science
Society
Events
Panel discussion, diplomatic game and educational quest: 91Ƶ SSS initiatives at COP17
As part of the 17th meeting of the Conference of the Parties to the UN Convention on Biological Diversity (COP17), the 91Ƶ Student Scientific Society (SSS) organized a series of environmental and educational activities aimed at raising young people's awareness of biodiversity conservation and encouraging their participation in addressing environmental challenges. The activities, including a panel discussion, a diplomatic game and an educational quest, were held at the Armenian University Coalition for Biodiversity pavilion in COP17's Green Zone.
Միջոցառումների շարքը մեկնարկել է հոկտեմբերի 23-ին՝ «Երիտասարդական նախաձեռնությունների դերը բնապահպանական խնդիրների լուծման համատեքստում» խորագրով պանելային քննարկմամբ։ Տարբեր մասնագիտական ուղղություններ ներկայացնող երիտասարդ հետազոտողներն անդրադարձել են կենսաբազմազանությանը սպառնացող վտանգներին և դրանց հաղթահարման գործում գիտության և ուսանողական նախաձեռնությունների դերին։
Պանելային քննարկման բանախոսներն էին ԵՊՀ ՈՒԳԸ նախագահ Դավիթ Սարգսյանը, ՈՒԳԸ արտաքին կապերի հանձնաժողովի նախագահ Իրինա Մեհրաբյանը, կենսաբանության ֆակուլտետի ՈՒԳԸ նախագահ Նարե Դարբինյանը, ֆիզիկայի ինստիտուտի ՈՒԳԸ նախագահ Սուսան Գևորգյանը և ՈՒԳԸ թարգմանական հարցերի հանձնաժողովի նախագահ Կարապետ Թադևոսյանը։
Նրանք ներկայացրել են աշխարհագրական հետազոտությունների կիրառման հնարավորությունները, ճշգրիտ գիտությունների ու տեխնոլոգիական լուծումների դերը բնապահպանության ոլորտում, ինչպես նաև ուսանողական հետազոտությունների և գիտաժողովների նշանակությունը բնապահպանական խնդիրների հանրայնացման գործում։ Հանդիպումն ավարտվել է բլից հարցերով ու լսարանի հետ հարցուպատասխանով։
Հոկտեմբերի 25-ին անցկացվել է «ՄԱԿ մոդել. կենսաբազմազանություն և էկոլոգիական դիվանագիտություն» խորագրով սիմուլյացիոն խաղը։ ԵՊՀ միջազգային հարաբերությունների ֆակուլտետի ՈՒԳԸ անդամները հանդես են եկել տարբեր երկրների պատվիրակների դերում, բանակցել կենսաբազմազանության պահպանության հարցերի շուրջ և ձևավորել դաշինքներ։
Խաղի ընթացքում քննարկվել են Կունմին-Մոնրեալի կենսաբազմազանության գլոբալ շրջանակի իրականացումը և գենետիկական ռեսուրսների օգտագործումից ստացվող օգուտների արդար ու հավասար բաշխման մեխանիզմները։ Մասնակիցները փորձել են համադրել տարբեր երկրների դիրքորոշումները և մշակել համատեղ առաջարկներ։
Միջոցառումների շարքն ավարտվել է հոկտեմբերի 28-ին՝ ԵՊՀ կենսաբանության ֆակուլտետի ՈՒԳԸ անդամների կազմակերպած «The Green Mission» կրթական քվեսթով։ Ինտերակտիվ ու թիմային առաջադրանքների միջոցով մասնակիցները ծանոթացել են կենսաբազմազանության պահպանության խնդիրներին, բնության պաշտպանությանն ուղղված լուծումներին և բնական էկոհամակարգերի պահպանման գործում մարդու դերին։
Քվեսթի համար կենսաբանության ֆակուլտետի ՈՒԳԸ թիմը ստեղծել է հատուկ կայքէջ, որի միջոցով մասնակիցները կատարել են ինտերակտիվ առաջադրանքներ։ Թիմը նախատեսում է այն կիրառել նաև հետագա կրթական ու բնապահպանական նախագծերում։
