ԵՊՀ կայքէջի «Ընդունելություն» բաժնում ներկայացված են ընդունելության հետ կապված ամբողջական տեղեկություններ, այդ թվում՝ ընդունելության կարգը, առկա մասնագիտությունները, տեղերի քանակը և վարձաչափերը, դիմորդների հայտերի շարժը, նախորդ տարիների անցողիկ շեմերը և կատարված փոփոխությունները։
Դիմում-հայտի լրացման հետ կապված խորհրդատվություն հնարավոր է ստանալ՝ զանգահարելով (+374 60) 710 777 հեռախոսահամարին կամ գրելով dimord@ysu.am էլհասցեին։
Նշված կապի միջոցները գործում են միայն դիմում-հայտերի ընդունման համար ստորև նշված ժամկետներում և սահմանված աշխատանքային օրերին ու ժամերին։
Բակալավրիատի ընդունելության 1-ին փուլով ընդունելության կարգի 15-րդ կետ) դիմորդներն ընդունելության քննությունների և մասնագիտության հայտագրման դիմում-հայտը կայքէջի միջոցով ԳԹԿ են ուղարկում առցանց եղանակով ապրիլի 15-ից մինչ մայիսի 10 ներառյալ (մայիսի 10-ին՝ մինչ ժամը 18։00-ն):
2-րդ փուլով ընդունելության կարգի 16-րդ կետ)՝ հունիսի 26-ից մինչ հուլիսի 1-ը ներառյալ (հուլիսի 1-ին՝ մինչ ժամը 17։00-ն)։
Հիմնական փուլի մրցույթի արդյունքները կհրապարակվեն հուլիսի 18-ին։ Հրապարակելուց հետո ընդունելության քննությունից դրական միավոր ստացած, սակայն հիմնական մրցույթից դուրս մնացած դիմորդները թափուր տեղերի առկայության դեպքում կարող են մասնակցել լրացուցիչ (թափուր) փուլի մրցույթին (ընդունելության կարգի 17-րդ կետ)։ Լրացուցիչ (թափուր) փուլի մրցույթին մասնակցելու համար մեկ կամ ավելի բուհերի մինչ 6 մասնագիտությունների նշումով նոր դիմում-հայտը դիմորդները կայքէջի միջոցով ԳԹԿ են ուղարկում առցանց եղանակով՝ հուլիսի 20-ից մինչ հուլիսի 26-ը ներառյալ (հուլիսի 26-ին՝ մինչ ժամը 18։00-ն)։
Հիմնական փուլով ընդունված դիմորդները չեն կարող մասնակցել լրացուցիչ փուլի մրցույթին։
Լրացուցիչ փուլի մրցույթի արդյունքները կհրապարակվեն հուլիսի 30-ին։
ԵՊՀ պաշտոնական կայքէջի «Ընդունելություն» բաժնի «Բակալավրիատ»-ի «Առկա ուսուցում» ենթաբաժնում հուլիսի 18-ին կտեղադրվեն ԵՊՀ առկա ուսուցման հիմնական փուլի ընդունելության, իսկ հուլիսի 30-ին՝ լրացուցիչ փուլի ընդունելության արդյունքները:
Առկա ուսուցմամբ ընդունված դիմորդները, առկա ուսուցման ընդունելության կարգի 89-րդ կետի համաձայն, պահանջվող փաստաթղթերի բնօրինակները պետք է դասերը սկսելուց մեկ շաբաթվա ընթացքում ներկայացնեն համապատասխան ուսումնական ստորաբաժանման (ֆակուլտետ, ինստիտուտ, կենտրոն) գրասենյակ (դեկանատ):
Առկա ուսուցման դասերը սկսվում են սեպտեմբերի 1-ից:
Առկա ուսուցմամբ ընդունված և ազգային բանակ զորակոչված դիմորդների ընտանիքի անդամներից մեկը սեպտեմբերի 1-10-ն ընկած ժամանակահատվածում պետք է համապատասխան ուսումնական ստորաբաժանման գրասենյակ (դեկանատ) ներկայացնի պահանջվող փաստաթղթերը, ինչպես նաև ազգային բանակ զորակոչվելու մասին հավաստող փաստաթուղթը, ինչից հետո կձևակերպվի տարկետում: Հակառակ դեպքում՝ դիմորդը կկորցնի իր տեղը:
ԵՊՀ ընդունող հանձնաժողովն աշխատում է ապրիլի 15-ից մինչ մայիսի 10 ներառյալ՝ ժամը 10:00-ից 17:00-ն,
մայիսի 10-ին՝ ժամը 10:00-ից 18։00-ն։
Ոչ աշխատանքային օրեր` ապրիլի 19, 24, 25, 26 մայիսի 1, 2, 3, 4, 9։
Հունիսի 26-ից մինչ հուլիսի 1-ը&Բ;ներառյալ&Բ;հանձնաժողովն&Բ;աշխատում&Բ;է&Բ;ժամը 10:00-ից 17:00-ն։
Ոչ աշխատանքային օրեր` հունիսի 27, 28։
Հուլիսի 20-ից մինչ հուլիսի 26-ը&Բ;ներառյալ&Բ;հանձնաժողովն&Բ;աշխատում&Բ;է&Բ;ժամը 10:00-ից 17:00-ն,
հուլիսի 26-ին՝ ժամը 10:00-ից 18:00-ն։
Ոչ աշխատանքային օր` հուլիսի 25։
ԸՆԴՄԻՋՈՒՄ՝ ժամը 13:00–14:00