91��Ƶ

Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. Մեկնաբանել Երկրի ծագման և կառուցվածքի ժամանակակից պատկերացումները, Երկրի կառուցվածքային միավորների՝ լիթոսֆերայի սալերի, պլատֆորմների, ծալքավոր մարզերի, ինչպես նաև օվկիանոսների և ծովերի ձևավորման ու զարգացման ժամանակակից մոդելները:
   2. Ներկայացնել և նկարագրել երկրակեղևը կազմող ապարներն ու միներալները, քիմիական տարրերի տեղաբաշխման օրինաչափությունները, Երկրի ֆիզիկական մոդելը, նրանում ընթացող ներծին և արտածին գործընթացները՝ երկրաշարժեր, մագմայականություն, լեռնային ապարների փոխակերպում և նստվածքակուտակում:
   3. Բնութագրել և մեկնաբանել մետաղածնության տեսական հիմունքները, օգտակար հանածոների հանքավայրերի և հանքային դաշտերի ու շրջանների երկրաբանական - կառուցվածքային առանձնահատկությունները, հանքային ֆորմացիանները, միներալային պարագենետիկ ասոցիացիաներն ու հանքագոյացման տարածաժամանակային բաշխվածության մոդելները:
   4. Նկարագրել երկրակեղևում ներծին և արտածին գործոնների ազդեցության տակ տեղի ունեցող երկրաքիմիական և երկրաֆիզիկական գործընթացները: Ներկայացնել արտածին և ներծին գործընթացների ժամանակակից տեսություներն ու պատկերացումները:
   5. Ներկայացնել ՀՀ և հարակից շրջանների երկրաբանական կառուցվածքի, կառուցվածքա-ֆորմացիոն, մետաղածնական, հանքամագմայական շրջանացման մոդելներն ու երկրադինամիկական զարգացման պատմությունն ու փուլերը:
   6. Նկարագրել և ներկայացնել բնական աղետների կանխատեսման և կանխարգելման, շրջակա միջավայրի պահպանման նպատակներով, երկրաբանական, երկրաֆիզիկական, ջրաերկրաբանական, ճարտարագիտաերկրաբանական և այլ հետազոտությունների խնդիրներն ու դրանց լուծման մեթոդաբանությունը:
   7. Նկարագրել և ներկայացնել ՀՀ մետաղածին շրջանացումը, մետաղական և ոչ մետաղական օգտակար հանածոների տեղաբաշխումը, հանքագոյացման շրջաների ու հանքավայրերի կառուցվածքը, ծագումնաբանական մոդելը, օգտակար հանածոների արդյունահանման և մշակման հետ կապված հիմնախնդիրները:
2. Գործնական մասնագիտական կարողություններ
   1. Գործնականում իրականացնել և մասնակցել նպատակային դաշտային ուսումնասիրությունների, կատարել նմուշարկում, փաստագրում, սարքային չափումներ, կամերալ աշխատանքներ, հանքավայրերի տնտեսագիտական գնահատում և պաշարների հաշվարկ:
   2. Գործնականում օգտագործել հարակից գիտությունների տեսական և գործնական գիտելիքները, տեղեկատվական համակարգեր, տեխնոլոգիաներ ու մեթոդները մասնագիտական ոլորտում ուղիղ կամ հակադարձ խնդիրներ լուծելու, աշխատանքների արդյունավետությունը բարձրացնելու և հիմնավոր եզրահանգումներ անելու համար:
   3. Կազմել երկրաբանական, տեկտոնական, մետաղածնական, գրունտների, ջրաերկրաբանական քարտեզներ, շերտագրական կտրվածքներ, հանքավայրերի հետախուզական և շահագործական հորիզոնների հատակագծեր ու նմուշարկման պլաններ, երկրաֆիզիկական և երկրաքիմիական անոմալիանների սխեմաներ:
   4. Վերլուծել անհրաժեշտ տեղեկատվությունն ու խնդիրների լուծման հնարավոր ուղիները, գնահատել դրանց լուծման համար անհրաժեշտ ռեսուրսները աշխատանքների արդյունավետությունը բարձրացնելու համար կայացնել որոշումներ և անել համապատասխան առաջարկություններ:
   5. Վերլուծել երկրաֆիզիկական, երկրաքիմիական և ճարտարագիտական երկրաբանության դաշտային և լաբորատոր հետազոտությունների տվյալները, տրամադրել մասնագիտական եզրակացություններ:
   6. Ծանոթ լինել հարակից մասնագիտությունների ժամանակակից մեթոդներին և դրանց աշխատանքի սկզբունքներին, անհրաժեշտության դեպքում երկրաբանական խնդիրների լուծման նապատակով ներգրավել հարակից մասնագիտությունների մասնագետներ, խնդրի լուծման համար անհրաժեշտ մեթոդներ և կատարել թիմային աշխատանք:
   7. Վերլուծել երկրաբանական աշխատանքների ազդեցությունը մարդու առողջության և շրջակա միջավայրի զգայուն կլանիչների վրա, մշակել շրջակա միջավայրի վրա ազդեցության նվազեցմանն ուղղված միջոցառումներ:
3. Ընդհանրական (փոխանցելի) կարողություններ
   1. Մայրենի և օտար լեզուներով կառուցել բանավոր և գրավոր խոսք՝ տրամաբանորեն ճիշտ, փաստարկված և հստակ ձևակերպումներով, հետամուտ լինել ժողովրդավարական սկզբունքների իրագործմանը և ազգային ու համամարդկային արժեքների տարածմանը:
   2. Գործնականում կիրառել հասարակական, հումանիտար և տնտեսական գիտությունների հիմնական դրույթներն ու մեթոդները, տեղեկատվության ստացման տարատեսակ աղբյուրները (համացանցային ռեսուրսներ: էլեկտրոնային գրադարաններ, գիտական հոդվածներ և հաշվետվություններ) և տեղեկատվական հաղորդակցության տեխնոլոգիաները առկա խնդիրների բացահայտման և ուսումնասիրման, հետազոտությունների արդյունավետ կազմակերպման և արդյունքների նարկայացման համար:
   3. Կիրառել ձեռք բերած գիտելիքները քանակական տվյալներից որակական եզրահանգումներ անելու, զարգացնել նոր գաղափարներ, բացահայտել կրթական պահանջներն ու կարերայի հնարավորությունները հետագա ուսումնառության ուղիները որոշելու համար:
   4. Աշխատել թիմում, կազմակերպել թիմային աշխատանքներ, օգտագործել մարդկային և նյութական ռեսուրսները, պահպանել աշխատանքային անվտանգության կանոններն ու մասնագիտական էթիկայի նորմերը:
   5. Ինքնուրույն կատարել մասնագիտական աշխատանքներ, տալ հիմավոր եզրակացություններ և պատասխանատվություն կրել որոշումներ կայացնելիս:
   6. Շարունակելու ուսումնառությունը բարձրագույն կրթության հաջորդ մակարդակում ներկայացնելով ձեռք բերված գիտելիքները, կարողություներն ու հմտությունները: