91��Ƶ

Ս․թ. հոկտեմբերի 5–9 ԵՊՀ ինֆորմատիկայի և կիրառական մաթեմատիկայի ֆակուլտետի, Հայկական մաթեմատիկական միության և «91��Ƶ-Krisp AI» լաբորատորիայի նախաձեռնությամբ կանցկացվի «Կիրառական մաթեմատիկա, համակարգչային գիտություն և արհեստական բանականություն-2026» խորագրով միջազգային գիտաժողով։

Կենսաբանական բազմազանության մասին կոնվենցիայի կողմերի 17-րդ համաժողովին (COP 17) ընդառաջ՝ ս.թ. սեպտեմբերի 28–30-ը Երևանում տեղի կունենա Արևելյան Եվրոպայի չղջիկների ուսումնասիրության 2-րդ գիտաժողովը:

Երևանի պետական համալսարանը հրավիրում է գիտնականների և երիտասարդ հետազոտողների՝ մասնակցելու «Մաթեմատիկական անալիզ և դիֆերենցիալ հավասարումներ» թեմայով միջազգային գիտաժողովին։ Գիտաժողովի նպատակն է ստեղծել մասնագիտական հարթակ՝ մաթեմատիկական անալիզի և դիֆերենցիալ հավասարումների ոլորտներում արդի հիմնախնդիրների քննարկման, նոր արդյունքների և ժամանակակից մեթոդների ներկայացման, ինչպես նաև դրանց կիրառման հնարավորությունների դիտարկման համար՝ խթանելով միջազգային գիտական համագործակցությունը։

ԵՊՀ միջազգային հարաբերությունների ֆակուլտետի նախաձեռնությամբ ս.թ. սեպտեմբերի 24-25-ը կանցկացվի «Քաղաքագիտություն և միջազգային հարաբերություններ» ամենամյա երրորդ գիտաժողովը։ Այս տարվա գիտաժողովն ունի «Վերաերևակայելով միջազգային կարգը. գլոբալ կառավարման նոր ճարտարապետությունը հեգեմոնիայից անդին» խորագիրը:

2026 թվականի սեպտեմբերի 24-26-ը Պատմության փիլիսոփայության և տեսության լաբորատորիայի նախաձեռնությամբ Երևանում տեղի կունենա «Վիճարկվող անցյալներ, անորոշ ապագա(ներ). ժառանգություն, հիշողություն և պատմություն» խորագրով միջազգային գիտաժողով:

Մաթեմատիկական ֆիզիկայի միջազգային գիտաժողովները ավանդաբար կազմակերպվում են ՀՀ ԳԱԱ մաթեմատիկայի ինստիտուտի կողմից․ առաջին գիտաժողովը տեղի է ունեցել 1982 թվականին, իսկ վերջինը՝ 2019 թվականին Երևանում։ Նախկինում գիտաժողովների մասնակիցների թվում եղել են բազմաթիվ հայտնի գիտնականներ, այդ թվում՝ Սերջիո Ալբեվերիոն, Ռոլանդ Լ. Դոբրուշինը, Ջանֆաուստո Դելլ’Անտոնիոն, Վադիմ Ա. Մալիշևը, Ռոբերտ Ա. Մինլոսը, Սալվադոր Միրաքլ-Սոլեն, Ալեքսանդր Պոլյակովը, Յակով Գ. Սինայը, Անատոլի Վերշիկը և ուրիշներ։ 12-րդ գիտաժողովը տեղի կունենա ս․թ․ սեպտեմբերի 7-12-ը Երևանի պետական համալսարանի մաթեմատիկայի և մեխանիկայի ֆակուլտետում։

Ս․թ․ օգոստոսի 26-28-ը ԵՊՀ-ում կանցկացվի «Նախաարդիական իսլամական մոտեցումներ «դին» («կրոն») հասկացությանը» խորագրով միջազգային աշխատաժողով, որի շրջանակում ուսումնասիրվելու են նախաարդիական շրջանում «դին»-ի (dīn, լայն իմաստով՝ կրոն) գաղափարը և դրա կիրառումներն արաբամուսուլմանական տարբեր իմացաբանական ավանդույթներում, քննարկվելու են «դին»-ի ընկալումը, առարկայացումը և սահմանումը հասարակական-քաղաքական, աստվածաբանական, իրավական, փիլիսոփայական և գրական համատեքստերում։

Երևանի պետական համալսարանի մաթեմատիկայի և մեխանիկայի ֆակուլտետի նախաձեռնությամբ ս․թ․ հուլիսի 12–19 կանցկացվի «Վիճակագրություն և ուսուցման տեսություն-2026» ամառային դպրոցը, որը նախատեսված է բակալավրիատի ավարտական կուրսի և մագիստրատուրայի ուսանողների, ասպիրանտների, հետազոտողների, ինչպես նաև այն մասնագետների համար, ովքեր հետաքրքրված են վիճակագրությամբ, մեքենայական ուսուցմամբ և դրանց կիրառություններով։

Ս.թ. հուլիսի 6-10 ԵՊՀ մաթեմատիկայի և մեխանիկայի ֆակուլտետում կանցկացվի «Ֆունկցիաների երկրաչափական տեսություն» խորագրով ուսանողական գիտաժողովը, որի նպատակն է Հայաստանի և արտասահմանի ուսանողներին ծանոթացնել կոմպլեքս անալիզի հիմնարար ոլորտներից մեկի՝ ֆունկցիաների երկրաչափական տեսության ժամանակակից, նշանակալի արդյունքներին:

Ս.թ. հունիսի 29-ից հուլիսի 3-ը Քիմիայի ֆակուլտետի նախաձեռնությամբ կանցկացվի Մոլեկուլային մոդելավորման և հաշվարկողական քիմիայի ամառային դպրոց-աշխատաժողով: Դպրոց-աշխատաժողովը նպատակ ունի զարգացնելու երիտասարդ հետազոտողների հմտությունները հաշվարկողական քիմիայի և մոլեկուլային մոդելավորման տեխնիկաների ոլորտում: Ծրագիրը ներառում է տեսական դասախոսություններ և գործնական մինի հաքաթոններ, որոնք մասնակիցներին հնարավորություն կտան աշխատելու համատեղ գիտական նախագծերի շուրջ՝ օգտագործելով ժամանակակից հաշվարկային գործիքներ: