91��Ƶ

Երևանի պետական համալսարանի, ԵՊՀ կիրառական սոցիոլոգիայի գիտահետազոտական լաբորատորիայի և Հայաստանի սոցիալական աշխատողների ասոցիացիայի նախաձեռնությամբ ս․թ. մարտի 27-29 կանցկացվի «Սոցիալական աշխատանքի էկոհամակարգը Հայաստանում» խորագրով համահանրապետական գիտաժողովը, որի նպատակն է ակադեմիական հարթակում քննարկել սոցիալական աշխատանքի շահակիրների համագործակցության ձևաչափերը, սոցիալական բարեփոխումները, բավարար արձագանք չստացած սոցիալական հիմնախնդիրները, սոցիալական ծառայությունների արդյունավետության գնահատումը և ոլորտի զարգացման հեռանկարները։

Ս.թ. մարտի 19-20-ը ԵՊՀ կենսաբանության գիտահետազոտական ինստիտուտի նախաձեռնությամբ կանցկացվի տարեկան երկօրյա գիտաժողով, որին կմասնակցեն ԵՊՀ գիտական հարցերի գծով պրոռեկտոր Ռաֆայել Բարխուդարյան, կենսաբանության գիտահետազոտական ինստիտուտի տնօրեն Կարեն Թռչունյանը, հրավիրյալ մասնագետներ: Գիտահետազոտական ինստիտուտի գիտաշխատողները հանդես կգան ելույթներով՝ ներկայացնելով վերջին մեկ տարվա ընթացքում իրենց կատարած աշխատանքները:

Հիշողության ուսումնասիրության միջազգային ասոցիացիայի («Memory Studies Assosiation») «PoSoCoMeS» («Post-Soviet and Comparative Memory Studies») բաժինը 2026 թ․ հունվարի 22-24-ը Հայաստանում անցկացնելու է տարեկան երրորդ համաժողովը՝ «Հետխորհրդային հիշողությունը ճգնաժամերի և շահարկումների ժամանակ» խորագրով: Միջոցառումը կանցկացվի Երևանի պետական համալսարանում:

Ս․թ․ դեկտեմբերի 11-12-ը ԵՊՀ պատմության ֆակուլտետի նախաձեռնությամբ կանցկացվի «Պատմության դասավանդման տեսական և մեթոդաբանական հարցեր» խորագրով միջազգային գիտաժողովը, որի անցկացումը ֆինանսավորում են Երևանի պետական համալսարանը և  Հայագիտական ուսումնասիրությունները ֆինանսավորող համահայկական հիմնադրամը։

Ս.թ. դեկտեմբերի 8-10 ԵՊՀ գիտական խորհրդի նիստերի դահլիճում Հայագիտական հետազոտությունների ինստիտուտի (ՀՀԻ) և «Մարդու իրավունքների և ցեղասպանագիտության կենտրոն» հասարակական կազմակերպության նախաձեռնությամբ կանցկացվի «Ցեղասպանություն. հիշողություն, ճանաչում, կանխարգելում» խորագրով միջազգային գիտաժողովը:

Ս.թ. նոյեմբերի 20-21-ը ԵՊՀ փիլիսոփայության և հոգեբանության ֆակուլտետում տեղի կունենա «Փիլիսոփայությունը և արդի մարտահրավերները։ Մարդը գոյաբանական ծուղակում» խորագրով միջազգային գիտաժողովը:

Երևանի պետական համալսարանի ընդհանուր հոգեբանության ամբիոնի, ԵՊՀ հոգեբանության գիտահետազոտական կենտրոնի և Հայաստանի հոգեբանների միության մասնագիտական ՀԿ-ի համատեղ նախաձեռնությամբ ս.թ. հոկտեմբերի 10-12-ը կանցկացվի «Տեսական և կիրառական հոգեբանության արդի հիմնախնդիրները» խորագրով միջազգային 10-րդ գիտաժողովը:

ԵՊՀ միջազգային հարաբերությունների ֆակուլտետի նախաձեռնությամբ ս․թ․ հոկտեմբերի 9-10 կանցկացվի «Քաղաքագիտության և միջազգային հարաբերությունների» խորագրով ամենամյա երկրորդ գիտաժողովը։ Այս տարվա գիտաժողովն ունի «Հետխորհրդային փոխակերպումներ․ աշխարհաքաղաքականություն, ազգաշինություն և զարգացում» խորագիրը։

Ս.թ. հոկտեմբերի 8-10 ԵՊՀ տնտեսագիտության և կառավարման ֆակուլտետում կանցկացվի «Փոխակերպվող տնտեսություն․ մարդկային կապիտալի զարգացում, ստեղծարար նորարարական տնտեսություն, կայուն ներառական աճ» խորագրով միջազգային 2-րդ գիտաժողովը:

ԵՊՀ մաթեմատիկայի և մեխանիկայի ֆակուլտետի և ՀՀ գիտությունների ազգային ակադեմիայի մաթեմատիկայի ինստիտուտի համատեղ նախաձեռնությամբ ս․թ․ հոկտեմբերի 6-10 կանցկացվի «Ստոխաստիկ, ինտեգրալ երկրաչափություն և հարակից ոլորտներ» խորագրով միջազգային գիտաժողովը։